لو فى هنا يا شباب اى حد عوز يستفسر عن الدهانات او التشطيبات و النقاشه انا ممكن اخدمه يا شباب و افيده فى الموضوع ده لانى عندى توكيل دهانات و شغال فى الموضوع ده من زمان بجانب شغلى كمهندس ميكانيكا
و ارجو ان اى حد عنده استفسار يطلب وعينيا ليه
و شكرا
لو فى هنا يا شباب اى حد عوز يستفسر عن الدهانات او التشطيبات و النقاشه انا ممكن اخدمه يا شباب و افيده فى الموضوع ده لانى عندى توكيل دهانات و شغال فى الموضوع ده من زمان بجانب شغلى كمهندس ميكانيكا
و ارجو ان اى حد عنده استفسار يطلب وعينيا ليه
و شكرا
جزاك الله خير يا م / محمد سعد
كام سؤال على الماشى
1-اخبار الاسعار اية؟
2-اية تكلفة المتر المربع
جزاك الله خير يا م / محمد سعد
كام سؤال على الماشى
1-اخبار الاسعار اية؟
2-اية تكلفة المتر المربع من البداية (طوب احمر)
2-2-محارة (كمية الاسمنت ) و المصنعية
3-2-خطوات الدهان و نوع و ماركة البويات
4-2-احسن الاماكن للشراء الجملة و كميات كبيرة او على دفعات
3-كيفية متابعة العمل و عدم التعرض للنصب و السرقة
معلهش طولت عليك بس انا هبتدى قريب تشطيب منزل العمر و ببدا تكوين افكار
و شكرا
م/شريف سمير
معلش يا باشا ما قدرش افيدك فى موضوع المحارة ككميات و كمون بس المصنعيات متر المحاره و المصيص للاسقف بتكون 3 جنيه للمتر و ده سعر السوق و ممكن تزيد شويه حسب المناطق
و بالنسبه لخطوات الدهان اللى بتبدا بعد المحاره و مصيصص الاسقف يا باشا :
1- يتم عمل مراشمه اى نظافه للحوائط من اى شىء عالق من جبس او اسمنت زائد و تكون بسكينه المعجون
2- يتم دهان وش واحد من السيلار و يسمى فى بعض الانواع برايمر و هو يقوم بعمل طبقه عازله عن الحائط و ذلك حتى يكون المعجون الى هيتم سحبه فى المرحله الثانيه متماسك على الحائط و يعزل اى رايش على الحائط من جبس متساقط من المصيص او اى شىء عالق على الحائط ( اختياريه هذه المرحله)
3- يتم سحب سكينتين معجون ثم تركب السيراميك ثم تقوم بسحب السكينه الثالثه و يتم التقفيل على السوتلو (وزره السيراميك على الحائط) بالمعجون و التقفيل ايضا على البارات الخشب و الشبابيك و الشيش و الابواب اى النجاره بوجه عام
4- يتم دهان اول وجه بطانه و يفضل انها بيضاء و تشمل وجهين للاسقف و ذلك لتفنيش السقف
5- يتم دهان وجهان من الدهان النهائى الوش الاخير الفنش للحوائط بالالوان المطلوبه و ذلك بعد الذهاب لاقرب مركز تلوين دهانات بالكمبيوتر و تجربه تناسق الالوان فى المركز فهو سيساعدك فى تنسيق الوان الشقه
و يمكن عدم استخدام الخطوه 4 و تنفيذ الخطوه 5 مباشره اى لا نبطن الحوائط و ندهن الوجهان الفنش على طول
6- يتم معجنه النجاره كلها و دهانها و لكن نقوم بعمل فنش النجاره بعد تشطيب الحوائط كلها
بالنسبه للماركات :
سيلار او برايمر : يوتن او Glc
معجون : سايبس او Glc
بطانه بلاستيك و تشطيب الاسقف : يوتن او سايبس الاقتصادى
فنش و تشطيب الحوائط : يوتن ملونه فى مركز تلوين بالكمبيوتر
تشطيب النجاره : يوتن
بطانه للنجاره : سينيتال او يوتن مط
اماكن شراء الدهانات : حضرتك ممكن تقولى ساكن فين و ايه اقرب مكان ليك فيه مون و انا لو اعرف المكان ممكن اصح حضرتك بحد اعرفه فى المكان ده
و حضرتك لو تقولى الشقه كام متر مربع ممكن اديك تكلفه مبدئيه للمصنعيه و الدهانات
ألف شكر يا باشمهندس محمد علي المعلومات الغزيرة دي
ممكن لو شقة حوالي 100 متر صافي تكلف كام ؟؟
شكرا يا باشمهندس علي تطوعك الكريم.انا عندي سؤال
ايه المطلوب علشان اخد توكيل بويات والسيوله المطلوبه كام؟
وشكرا جزيلا.
bemo,ire
شكرا لمجهودك يا بشمهندس
سؤال عويص شويتين
عندنا شقة قديمة والحوائط فيها ضايعة خالص يعنى الأسقف كلها جير و الحوائط بعضها جير وبعضها زيت
الشقة اربع أوض و صالة كبيرة
أوضتين زيت وأوضتين جير والصالة زيت
والأسقف للشقة كلها جير
المهم الدنيا دى لو هتتفور كلها كل الحوائط (الجير و الزيت) وتتظبط من الأول وتتعمل كلها دهانات جديدة .. المفروض اية الخطوات واية التكلفة المبدأية للمتر ؟
مع العلم ان فى بعض الحوائط فيها رطوبة هيكون حلها اية ؟
وشكرا جزيلاً
متابع بشغف
شكرا على عرضك القيم
على ايه باشا انا فى خدمه اى اخ هنا فى المنتدى
لو الشقه على المحاره ممكن تتكلف حوالى 2500 جنيه خامات و الخامات كمان محترمه جدا حاجه نضيف و هتزيد لو هتعمل حبه ديكورات من ورق حائط او معجون رخام او texture بارز او بيرل (شبيه للقطيفه) و دى حاجات بتتعمل فى جنب واحد فى الصاله مثلا او ريسيبشن او خلفيه لغرفه النوم و الحاجات دى ممكن تشوفها على الطبيعه فى مركز تلوين دهانات و ممكن لما حضرتك تنوى اقول لحضرتك اقرب اماكن تشوف فيها كل حاجه من الحاجات دى
و حضرتك تؤمر يا باشا
اولا شكرا على الافادة وتعبك معانا ويارب يجعله فى ميزان حسناتك
دى الحاجة اللى ان اعاوز اسأل عليها
فى فى الهرم واحد بتاع دهانات وهو وكيل لداهانات رغــدان
بصراحة شوفت شوية دهانات عنده غريبة وتحفة
بس كنت عاوز استفسر عن الاسعار تقريبا كده بكام للمتر بالنسبة لمعجون الرخام والقطيفة والحاجات دى
بص يا باشا فى شركات كتير و كل شركه بتقدم عروض مختلفه و بتفرق حسب المكان بتاعك لو مش فيه حد من الشركه اللى عاوز تاخد توكيلها هيسهلوا الموضوع شويه معاك و الموضوع تقريبا ببساطه :
محتاج محل تمليك او ايجار مش فارقه بس لو ايجار مش اقل من 5 سنين و الشركه اللى هتتعاقد معاها لازم هتيجى تتفرج على المكان فى الاول
كل الشركات بتدى تسهيلات تتمثل فى تقسيط الماكينه لتلوين الدهانات مع بنك على اقساط شهريه و مقدم فى حدود من 40 الى 50 الف حسب الشركه
و لو حضرتك تقولى مكانك و ايه التوكيلات اللى جنبك ممكن اساعد حضرتك
و توضيب المحل بيبقى غالبا على الشركه اللى عتتعاقد معاها
و لو اى استفسار تانى انا تحت امر حضرتك عشان لو انا نسيت حاجه
بص حضرتك الشقه كلها هتتراشم بمعنى ان الجير كله هيشال من الحيطه بسكين معجون و الزيت برضه اللى طاقق منه هيتشال كويس و بعدن تتدى وش سيلار او برايمر و بعدين تمعجن وشين معجون و بعدين تدهن الدهانات اللى هتختارها جاهزه بالالوان اللى حضرتك مختارها
و ملحوظه لازم تبقى على ايد الصنايعى و هو بيراشم عشان يراشم بذمه لانها اهم مرحله فى الدهان لانها لو مش متراشمه كويس و معجنت ودهنت على كده ممكن الدهان يطق بعد فترة بسيطه
و بالنسبه للرطوبه لو سبب الرطوبه انتهى يعنى كان فى نشع ميه من الجيران و انتهى ممكن تتاكد انه نشه و بعدين يعمل نفس الخطوات السابقه
و لو السبب برضه انتهى بس لسه ما نشفش فى صنايعيه يا بيستنوا تنشف يا اما يفتحوا عليه الباشبورى و يسلطو اللهب على الحيطه عشان ينشفوها
و الاسعار هتبقى حسب مشاحه الشقه
شكراَ علي عرضك الكريم و معلوماتك الغزيرة .
فيه شقة 110 صافي نص تشطيب (محارة بالأبواب و الشبابيك فقط) .. عايز أديها لحد و أستلمها عالمفتاح عشان مفيش وقت أتابع بصراحة بس عايز شغل حلو .. فا ده يتكلف كام ؟
و لو فيه صور ممكن أروح فين و يا ريت تسيبلنا contact بحضرتك .
و شكراَ لك .
بص يا باشا اللى عند رغدان مشهور هو حاجه اسمها اسبراتيل و هو معجون بيتشكل بالشكل اللى انت عاوزه على شكل طوب مثلا او باى شكل عشوائى حتى ممكن يتعمل منه شكل ورده عباد شمس او شمس فى حجره اطفال حاجات كتير يعنى و بعد ما يتفرد على الحائط بيتدهن يا اما باكوا سيل من رغدان برضه او اى دهان بلاستيك ملون او ليدى جليز (منتج من يوتن) بيدى شكل حلو لانه بيتمسح و بيدى درجات لون متدرجه
و ده سعر بستله السبراتيل من 70 الى 75 جنيه و بتفرد حتى 9 متر مربع
و الاكوا سيل بيعمل 75 الى 80 جنيه
و اليدى جليز زى الاكواسيل
و معجون الرخام بتاعه مش قوى اوى معجون الرخامى بتاع يوتن اقوى و احسن كتير و العبوه 1,4 كجم و بتعمل فى حدود 85 الى 90 جنيه
و شكل الشموا بتاع رغدان بصراحه ما اعرفوش وما اعرفش الخامه بتاعته بس موجود فى يوتن باسم بيرل و موجود برضه فى ناشيونال برضه و سعره بيعمل حوالى 180 الى 200 جنيه ملون بالكمبيوتر
و اى سؤال انا فى الخدمه يا باشا
لا شكر على واجب يا باشا انا فى الخدمه
انا معلش مش هقدر افيد حضرتك فى موضوع السيراميك و السباكه انا بصراحه مش بعرف فيهم اوى لكن اسعار تقريبيه لمتر السيراميك بيكون اواخر الثلاثينات و اوائل الاربعينات بالنسبه لكليوبترا و مصنعيه متر السيراميك حوالى 8 جنيه للمتر و ممكن تزيد حسب المنطقه
و بالنسبه للدهانات و التشطيب لو عاوز تديها لحد مونه و مصنعيه بياخدوا حوالى من 9000 الى 10000 فى شقتك بالديكورات و مش هتقل عن 8000 يبقى سعر جامد بس لازم تشرط على اللى هيشتغل تكون الخامات راقيه تقوله يشتغل يوتن كمثال
و المشكله انى من السويس فصعب اقابل حد و انصحه لكن ممكن حضرتك لو محتاج حاجه تكلمنى رقمى 0189549999
و ممكن ادل حضرتك على اماكن بيع تكون جنبك و اسعارها كويسه لو كنت اعرف حد جنبك بتعامل معاه فى شغلى او نقاش يكون جنبك و ممكن يشتغلك فى شقتك مفيش مشاكل ان شاء الله
شكرا على المعلومات القيمة
لا شكر على واجب يا باشا
المصيص بيظبط السقف من اى حاجه و بيداريها عامه و يخلى القف متساوى و من غير معجون و لا حاجه هو المصيص عباره عن جبس بيتحط و يتساوى و يدهن عليه وشين و خلاص و كمان علشان الكرانيش بتتعمل عليه
و السيراميك اللى على الحيطه هو الوزر و بتوع السيراميك بيسموها السوتلو بتبقى حوالى 10 او 8 سم على الحائط من الارضيه كارتفاع علشان تحمى الدهان من الميه بتاعه المسح و النضافه و بتدى شكل جميل برضه
و بالنسبه لتكلفه المتر بصراحه انا مش بحسبها بالمتر انا ببقى عارف الشقه كلها على بعض بتعمل كام و خامات اد ايه بس ممكن احسبها لحضرتك تقريبى و هرد على حضرتك على طول
و انا فى خدمه حضرتك يا باشا فى اى استفسار
ممكن حضرتك توضحلنا الفروق بين الدهان البلاستيك والدهان اللاكيه أو الزيت ؟؟ إيه المزايا والعيوب ؟ وهل يوجد فرق فى التكلفة ؟
لو مساحه الشقه 200 متر مربع تكلفه الخامات المحترمه و كلها ماركه معروفه ( يوتن على اساس انها اغلى من الموجود بس بكلام فاضى ) هتبقى فى حدود 6000 جنيه من اول المحاره لغايه الفنش و شامل النجاره و دهانها و استر لباب الشقه و ديكورات خفيفه
و ممكن تزيد شويه لو هتزود ديكورات غاليه
عينيا يا باشا
الدهان البلاستيك انضف كتير لانه دهان اساسه مائى اما اللاكيه اساس زيت و به نسب رصاص تزيد و تقل حسب النوع و مدى جودته يعنى النضيف اوى نسبه الرصاص فيه بتقل
و الخلاصه ان البلاستيك صحى عن اللاكيه
اللاكيه بيصفر مع الوقت البلاستيك لا
اللاكيه بيتغسل عادى مهما كان نوعه ردىء لكن البلاستيك لازم يكون نوعه كويس و ساعتها يتغسل لو بسلك مواعين مفهوش مشكله
و سعر البلاستيك النضيف ارخص من اللاكيه النضيف
مختصر الكلام اشترى بلاستيك احسن 100 مره بس يكون نوعه كويس
احسن نوع دهانات بلاستك كيماتون ب200 جنية بستلة 14 ك
تانى احسن واحد جلتكس 20000 ب 175
جلتكس 10000ب 140
بتحط علية مركز الوان سكيب او قورا العلبة ب 3ج للالوان الفاتحة
المعجون شكارة 18 ك دايتون 26.5
سكيب 30.5
سايبس 40 16 ك
الدهان الزيتى احسن حاجة سانيتون مط 44ج
سنتال لامع60ج
جزاك الله خيرا
خير الناس انفعهم للناس
انا حضرتك شقتى على المحاره
كنت عايز اختار الوان هادئه وليست صارخه وتعمل تنوع فى الشقه لمنع الملل
انا عندى مدخل الشقه عباره عن طرقه يليها السفره والصالون والأنتريه فاتحين على بعض دا من ناحيه
الناحيه الأخري living room مفتوحه على الطرقه
وطبعا حجرة نوم كبيره وحجرة اطفال
وعايز ادهن بلاستيك قابل للغسيل
تنصحنى حضرتك ازاى اخدم الحيطه الأول
وبعدين ايه الألوان المتناسقه الى تمشى مع بعضها تبعا لظروف الشقه
وايه افضل نوع بلاستيك ممكن استعمله
وجزاك الله عنا خير الجزاء
معلش سوال يا باشمهندس محمد .....
انا المفترض اني بعد 12 يوم من النهاردة يعني علي اول شهر مارس ( ان شاء الله ) .. عايز اعمل ورق حائط في غرفة صغيرة مقاسها 3.5 * 3.5 .. فكنت حابب لو اعرف مكان كويس اشتري منة و تكون اسعارة كويسة و موديلات شيك و كويسة
انا فى خدمه حضرتك يا باشا
موضوع خدمه الحيطه انا كنت شرحته بالتفصيل فى اول الردود و مفهوش اختلاف لاى شقه
بالنسبه للالوان الهاديه و تناسق الالوان حضرتك ممكن تختار الوان الصاله و السفره و الانتريه يكون لونين او تلاته بالكتير و يكونوا ماشين مع بعض و متناسقيه و منهم لون اساسى يكون لون فاتح جوكر يعنى زى كريمى او كافيه فاتح يمشى مع اى لون و بالتالى ما يتعبكش فى اختيار عفش او باقى الوان الحوائط
الغرف ممكن تختار ليها لونين و يكونوا جنبين و جنبين او جنب غامق و تلاته فاتحين حسب ما حضرتك تفضل لو لونين قريبين من بعض اعملهم جنبين و جنبين و لو لون غامق اوى اعمله فى جنب واحد و الباقى الغامق بتاعه
و الوان الغرف اللى ماشيه مع بعض ممكن اصفر كنارى مع ازرق زهرى او مع اورانج او مع موف غامق بالنسبه لغرف الاطفال
و بالنسبه لغرف النوم الموف فاتح و غامق و روز و ممكن سيمون
و بالنسبه للخامه كبلاستيك قابل للغسيل ارشحلك يوتن طبعا فى حاجه سعره معقول اسمها فينوماستيك يتغسل لو بسلك مواعين و البستله بتاعته كمبيوتر بدرجه اللون بتعمل فى حدود 270 جنيه و ممكن تزيد شويه لو لون غامق و خامه تعيش معاك العمر و معدل فردها كويس و فى اغلى و فى ارخص برضه فى يوتن بس الخامه دى جامده جدا و مفيش زيها فى الماركات الاخرى و عن ثقه
و تحت امر حضرتك فى اى استفسار اخر
[quote=kliken;666933]مشكور يا باشا على ذكر الاسعار و معرفه للاعضاء طبعا بس الخامات دى مش احسن حاجه فى السوق و مش اجودها[/quote
على فكرة الكيماتون أحلى بكتير من اليوتن (بمراحل)ومعجون السايبس احلى من معجون يوتن برده.
اليوتن حلو للالوان الغامقه فقط الى بتتركب فى مركز التلوين.
[QUOTE=hookyelyak;667101] الخبره دى عند حضرتك منين و حضرتك حكمت على الجوده على اى اساس فى مقارنتك
الكيماتون طبعا مش احلى من يوتن و اقل كتير جدا جدا من يوتن كخامه
معجون سايبس فى نقاشين بيفضلوه عن يوتن عشان بيتفرد معاهم على الحيط اسرع لانه خفيف و برضه مش معناه انه احسن
احنا شغالين فى البويات من سنة 59
ابويا هوا الى قال ان الكيماتون احلى من اليوتن (ابويا فى الشغلانة دى من وهوا صغير)
وكل الناس الى شغالة فى البويات عارفة ان الكيماتون هوا نمرة واحد(بلا منافس)
حتى ان اليوتن مالوش شغل الا فى مركز التلوين
Kliken basha really u rocks thanks man for your helps w insha2 allah fe mezan 7sanatk